Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Erthygl a gymerwyd o’r ‘Drych’, papur newydd a argraffwyd ac a gylchredwyd yn eang yn America. Mae’r erthygl hyn yn enghreifft nodweddiadol o’r straeon llwyddo a ddefnyddwyd i annog y Cymry ym Mhatagonia i ymfudo ac ymgartrefu yng Nghanada. Credwyd ei bod yn rhy ddrud i ‘drwsio’ materion llifogydd a dyfrhau yn y Wladfa, ac felly yn lle hynny cynigiodd llywodraeth Prydain daith â chymhorthdal i Ganada a thir rhad wedi cyrraedd. Nodyn: Mae’r rhain yn drawsgrifiadau cywir o’r erthyglau perthnasol. Nid yw’r wybodaeth a gynigir ar y wefan yn hollol gywir LLITH 0 CANADA. (07-07-1889) Gwlad y Gogledd-Orllewin—I'r Klondyke— Tir Amaethyddol Da-Yn y Maes Cenadol-Personol. GAN J. G. STEPHENS Leduc, Alberta, N. W. T.—Mesura rheilffordd: Cwmni y Canadian Pacific o Montreal i Calgary 2,264 o filldiroedd, ac o Calgary i Leduc, ar y Calgary & Edmonton Branch, y mae 173 o filldiroedd. Edmonton, 18 milldir i'r gogledd oddi yma, yw prif dref gogledd Alberta a'r dref nesaf at y Pegwn Gogleddol ar gyfundrefn y Canadian Pacific Railway. Edmonton hefyd oedd "jumping off place" canoedd o fechgyn dewr o bob parth o'r byd aethant i'r Klondyke y misoedd diweddaf, er budd i fasnachwyr y lle, beth bynag am eu lles eu huniain. Effeithia yr olwg ar y minteioedd yn cychwyn ar eu taith ramantus a pheryglus mewn modd annesgrifiadwy ar fy meddwl. Anhawdd oedd gwybod beth i alw yr anturiaeth mewn amI i amgylchiad, pa un ai y ffolineb mwyaf neu ynte weithred yn arddangos dewrder ac ysbryd anturiaethus o'r fath oreu. Un peth sydd yn lled sicr, fel yr awgrymwyd gan un o ohebwyr galluog y "Drych," sef fod digonedd i'r neb a lafuria yn ddeallgar a diwyd lawer yn nes atom na dyffryn y Klondyke. Gwlad amaethyddol sydd y ffordd yma, a "mixed farming" sydd yn talu oreu, medd y cyfarwydd. Yr wyf yn byw gyda theulu ddaeth yma o North Dakota, bum mlynedd yn ol, heb ddim yn eu meddiant ond dau geffyl, wagen ac ychydig o offer cyffredin. Sefydlwyd ar dir y llywodraeth, 160 erw, yr hwn gawd yn rhad, ac heddiw mae ganddynt 320 o erwau o dir da, 55 erw o dan driniaeth, yr oll wedi ei ffencio; ty byw golygus o chyfforddus; pob machine angenrheidiol wedi talu am dano; stock golew o anifeiliaid-tri o geffylau, 17 o dda corniog, 18 o foch, &c., a pheth arian wedi ei gynilo. Cynyrch y gwahanol ffrwythau ar gyfartaledd yn ystod y pum mlynedd sydd wedi bod fel y canlyn: Gwenith, 43 bwsiel i'r erw; ceirch, 55 bwsiel; haidd, 42 bwsiel; pytatws, 25 bwsiel. Pris y gwenith a'r ceirch y flwyddyn ddiweddaf ar yr elevator nesaf i'r lle, wyth milldir i'r de, oedd 65 cents a 3 cents y bwsiel. Efallai fod y ffigyrau uchod o ddyddordeb i rywrai. Anfonwyd eich gohebydd i'r parthau yma gan Home Mission Committee yr eglwys y perthyn iddi i gyhoeddi y genadwri am y groes. Fe fydd yn dda, gan bob dyn goleuedig, heb son am grefyddwyr proffesedig, fod yr eglwysi, o bob enwad, yn llwyddo yn eu hymdrech i osod stamp grefyddol ar bethau yn y Gogledd Orllewin. Cynrychiolir agos bob cenedl dan haul yn Alberta, heb eithrio y Cymry. Masnachwr llwyddianus yn South Edmonton yw Arthur Davies, hen fyfyriwr o Goleg Aberystwyth, a chanwr o'r sort oreu, ac y mae eraill o'n cenedl yn y dref a'r ardal nad wyf wedi eu cyfarfod hyd yn hyn. Cyn cychwyn am y Gorllewin ymwelais a Chymry New Rockland, Prov. of Quebec, a threuliais awr neillduol o adeiladiol gyda'r brodyr yn y seiat un noson waith, pan oedd y Parch. David Pugh yn llywyddu yn fedrus, a phawb yn cymeryd rhain. Gallwn enwi Mrs. John C. Jones, Mrs. Powell a Mri. John R. Thomas, John W. Williams a Robert Morris. Yr oedd pethau ychydig yn well yn fasnachol yn yr ardal nag oeddynt wedi bod am fisoedd lawer. Gelwais ar bron yr holl o Gymry adnabyddus Montreal cyn ymadael. Drwg genyf fod Undeb Cymreig Montreal wedi marw, neu o leiaf wedi syrthio i drwmgwsg. Y rhai fuont "ffyddlawn hyd y diwedd" oeddynt Thomas Harries, Ysw., Mrs. Pritchard, Mri. David; Thomas, R. T. Williams, Moses Pritchard, Moses Roberts, Richard Jenkins a D. Humphrey, Gwelaf wrth y papyrau fod y Parch. Einion C. Evans, D. D., wedi derbyn galwad i'r Central Congregational Church, Galesburg. Gobeithio y bydd i'r doctor weled yn dda aros yn Montreal canys mae angen dynion mawr yn y ddinas fawr. Yr oedd Annie Williams yn wan iawn pan ei gwelais; cydymdeimlir yn fawr a Mr. a Mrs. R. T. Williams. Y mae yn dda gan bawb yn y wlad yma—ond y cranks—am yr entente cordiale rhwng yr Hen Wlad a'r Wlad Newydd.
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw