Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Erthygl a gymerwyd o’r ‘Drych’, papur newydd a argraffwyd ac a gylchredwyd yn eang yn America. Mae’r erthygl hyn yn enghreifft nodweddiadol o’r straeon llwyddo a ddefnyddwyd i annog y Cymry ym Mhatagonia i ymfudo ac ymgartrefu yng Nghanada. Credwyd ei bod yn rhy ddrud i ‘drwsio’ materion llifogydd a dyfrhau yn y Wladfa, ac felly yn lle hynny cynigiodd llywodraeth Prydain daith â chymhorthdal i Ganada a thir rhad wedi cyrraedd. Nodyn: Mae’r rhain yn drawsgrifiadau cywir o’r erthyglau perthnasol. Nid yw’r wybodaeth a gynigir ar y wefan yn hollol gywir Aelodau Seneddol yn dod i Canada (07-09-1899) Ar gymeradwyaeth W.G. Griffith, cynrychiolydd Llywodraeth Canada yn Nghymru, rhoddodd Uchel Ddirprwywr Y Dalaeth yn Llundain, wahoddiad i Lloyd George, A.S., W.J. Rees, Abertawe a Llywelyn Williams M.A., bargyfreithwyr i ymweld a Chanada. Hwylisiant o Lerpwl ar fwrdd y “Bouvarian” y 24ain cynfisol; a bydd iddynt ymweled yn mysg manau eraill a Columbia Brydeinig, a chyrion Klondike. Y mae cynifer o deuluoedd Cymreig wedi ymsefydlu yn Canada, ac fe deimlir cymaint o ddiddordeb yn y Dalaeth, fel y bydd Cymru yn gyffredinol yn awyddus am gael gwybod beth sydd gan y tri wyr mawr hyn i’w ddweyd am y wlad honno. Dywedir hefydd y bydd i W. Jones, A.S., ddyfod dros y Werydd yn yr hydref. Y mae cais wedi ei anfon ato i draddodi cyfres o ddarlithoedd mewn gwahanol fanau yn y Talaethau Unedig.
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw