arrowbookcheckclosecommentfacebookfavourite-origfavouritegooglehomeibapdfsearchsharespotlighttwitterwelsh-government

Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.

This content isn't available for download, please contact us.

Disgrifiad

Eisteddfod Genedlaethol Cymru 1952, Aberystwyth
Lluniau 1 - 2: Cynan yn cyflwyno Tlws Llywydd Cyngor yr Eisteddfod
Lluniau 3 - 4: Y Dr W J Grufydd yn traddodi beiriadaeth cystadleuaeth y goron
Lluniau 5 - 6: Yr Archdderwydd Cynan yn gwylio y Dr W J Grufydd yn traddodi beirniadaeth cystadleuaeth y goron
Llun 7: Yr Archedderwydd Cynan yn ystod seremoni'r coroni
Llun 8: Trefin ac Erfyl Fychan a'r cledd dros y gadair wag.
Lluniau 9 - 11: Miss Megan E Hughes, Aberystwyth, a roddodd y Goron i'r Eisteddfod eleni, yn gwrando o'r dorf ar feirniadaeth ysgubol W J Gruffydd
Llun 12: Un o'r organyddion capel y Annibynwyr yn Ynysybwl yn nechrau'r ganrif oedd merch fach ddeg oed o'r enw Myfanwy. Yno roedd hi'n byw gyda'i nain - nes symud i Faesteg i ymuno a'r Cor Merched Brenhinol Cymreig yn 1910. A dyma pryd y gwelodd ei ffrindiau hi o Ynysybwl hi ddiwethaf - hyd yr wythnos hon pan ddaeth Madam L Myfanwy Mayers i Aberystwyth i gyflwyno Cadair yr Eisteddfod ar ran Cymdeithas Gymraeg Cape Town, De Affrica. Madam Mayers, a anwyd yn Nghaersws, oedd cyfeilydd y Cor Merched Brenhinol Cymreig. Bu'n teithio gyda'r cor yn America ddwywaith ac ymbriododd yn Ne Affrica pan oedd y cor ar ymweliad a'r wlad honno, yn 1912. Er mai Sais o Reading yw ei gwr cadwodd ei Chymraeg yn ddilediath a chroyw.
Llun 13: Madam L Myfanwy Mayers, Cape Town, De Affrica.
Llun 14: Y Testun a roddwyd i Gynan, yr Archdderwydd, i siarad arno wrth ugain o efrydwyr tramor sy'n aros yn Aberystwyth oedd - "The Welsh Grand National". Ond yma nid ar Tattenham Corner na Beecher's Brook yr oedd y pwyslais. Yn hytrach clywodd yr efrydwyr - o Ffrainc, yr Almaen, Hong Kong, Jamaica, Malaya, Mauritius, Nigeria, New Zealand, Gogledd Borneo, Singapore, Trinidad, Tanganyika a Iwgoslafia - am Brifwyl Cymry a'r iaith swyddogol, y Gymraeg.
Llun 15: Lady Megan yn gwrando ar Syr Idris Bell. Lady Megan Lloyd George yn ystod agoriad swyddogol yr arddangosfa celf a chrefft.
Llun 16: Lady Megan Lloyd George yn agor celf a chrefft.
Llun 17: Lady Megan Lloyd George yn agor yr arddangosfa celf a chrefft.
Llun 18: Lady Mrgan Lloyd George gyda Syr Idris Bell yn agoriad swyddogol yr arddangosfa gelf a chrefft.
Llun 19: Am y drydydd flwyddyn enillodd Parti Cwrt Newydd, Aberteifi, y wobr am gan actol dan 15.
Lluniau 20 - 21: Rhan o Gor Aberystwyth.
Llun 22: Yr orsedd dan do - a'r cyrn yn cyach. Gwelir Crwys a Threfin.
Llun 23: Geraint Lloyd Owen, Sarnau, Meirionydd, y cyntaf am adrodd dan 12 a Rebecca Edwards, Llawrybetws, Corwen. Cafodd hi ddwy wobr gyntaf mewn cystadlaethau barddonol dan 18 oed, sef cyfansoddi telyneg a chan ysgafn i Noson Lawen.
Llun 24: Aeth cwpan 'Y Cymo' a gwobr o �150 yn y brif gystadleuaeth gorawl i Gor Sciwen, ger Abertawer (dan arweiniad Mr Gwyn Thomas). Ni thraddodwyd sylwadau ar y corau ar wahan ond meddai'r Dr D E Parry Williams, wrth gyflwyno marciau: "Cawsom wledd o ganu yma'r prynhawn yma. Yr oeddem yn gwefreiddio wrth glywed darn Cymreig ochr yn ochr a darn gan un o gyfansoddwyr mawr y byd!" "Cyfansoddwyd 'Her, Her i'th golyn, Angau; gan Bach pan oedd yn wr ieuanc. Ieuanc hefyd yw Arwel Hughes a gyfansoddodd 'Gweddi'. Safle'r corau: 1, Sciwen 178:2, Caernarfon 173:3, Troeddyrhiw 171;4, Cymry Llundain 170:5, Caerfyrddin 160".
Llun 25: Cor Sciwen, enillwyr cwpan 'Y Cymro'!
Llun 26: Arweinydd Cor buddugol Sciwen, Mr Gwyn Thomas, yn derbyn cwpan 'Y Cymro'.
Llun 27: Aelodau o Gor Sciwen gyda'i harweinydd Mr Gwyn Thomas, yn dathlu wedi'r fuddugoliaeth.
Llun 28: Cor Caerfyrddin
Llun 29: Tim O M Lloyd yng nghystadleuaeth Ymryson y Beirdd sydd yn crafu pen ac ymbalfalu yma. Yn cymryd rhan y mae Gwilym R Tilsley, J O Jones, Huw Llew Williams, R E Jones, Trebor E Roberts, R Ithel Williams ac Iorweth Lloyd.
Llun 30: John Evans, bardd y gadair, a'r Archdderwydd Dyfnallt ar y llwyfan - nid yr archdderwydd - Cynan oedd yr Archdderwydd y flwyddyn hon.
Lluniau 31 - 32: John Evans, bardd y gadair ar y llwyfan gyda Erfyl Fychan a Threfin.
Llun 33: Catrin Puw Morgan, Corwen, a dderbyniwyd yn aelod o Orsedd y Beirdd.

Sylwadau (0)

Rhaid mewngofnodi i bostio sylw