arrowbookcheckclosecommentfacebookfavourite-origfavouritegooglehomeibapdfsearchsharespotlighttwitterwelsh-government
  • Ymweliad Llechwedd a Bounce Below 29/9/19

  • Use stars to collect & save items A vector image of star to represent action to save this item  mewngofnodi i gadw'r eitem hon
  • Lawrlwytho (defnydd anfasnachol yn unig)

Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Darllenwch fwy am y Drwydded Archif Greadigol.

Delwedd 1:Download link to the full resolution of image number 1
full resolution of image 1

Disgrifiad

Twristiaeth ddiwylliannol bellach yw ein diwydiant yn yr ardaloedd ôl ddiwydiannol, a dyma bwrpas UNESCO sef ddenu twristiaeth i gael profiad o'n hardaloedd, ac i rannu ein hanesion o'n golygfeydd godidog.

Felly, braf oedd cael gweld fy ardal a gweld trwy lygad estronwyr am y dydd. Fe gawsom ni dair antur trwy chwareli Stiniog boed rhain odanodd neu uwch ben yn yr awyr agored. Cafon ni daith mewn hen gerbyd milwrol yr oedd wedi ei drawsnewid i weld gwythiennau'r chwarel o ffyrdd llychlyd o'n blaenau.

Wedi hynny, fe aethom ni i lawr o dan y ddaear, gan ymweld gyda'r elfennau newydd yn yr hanes gan ddod a'r straeon ac ysbryd y caban yn fyw. Wrth edrych yn ol, fe welaf yr oedd yn agoriad llygad gan ein bod ni fel ymwelwyr yn cynrychioli llysgenhadon ifanc LleCHI ar gyfer y cais wedi cael y cyfle i hollti gyda 'jumpar' a gweld beth yr oedd hi fel i fod yn hongian oddi ar raff mewn ceudwll, ond, wel, wrth gwrs, mewn ffordd mwy diogel na fyddai'r chwarelwyr eu hunain wedi bod flynyddoedd yn ol.

Wedi i ni ddeillio o'r dyfnderau, fe lowcion ni ginio blasus i lawr, a gwneud ein ffordd tuag at un o rannau mwyaf cyffrous yr ymweliad, sef Bounce Below, sy'n barc trampolinau tanddaearol yng ngheudyllau Llechwedd. Wrth i mi edrych ar y rhannau addysgiadol ohono rwan, gwelaf yr oedd yn ffordd o gyfuno hanes a hwyl ac yn ddefnydd hynod o dda o'r ogofau. Roedd hefyd yn ffordd i weld o berspectif newydd antur ymhlith yr hanes.

Felly, yn y llun, mae chwech o lysgenahadon ifanc LleCHI wrthi yn gweld sut yr oeddent yn hollti llechi gyda'r 'jumpars'.

Sylwadau (0)

Rhaid mewngofnodi i bostio sylw