'Newyddion Gweithredu' oedd cylchgrawn cefnogwyr CND Cymru rhwng 1985 ac 1991, gan barhau o dan y teitl ‘HEDDWCH’ o Haf 1991 hyd heddiw. Fe'i cyhoeddwyd yn chwarterol fwy neu lai o 1985, yn dilyn sefydlu CND Cymru fel rhwydwaith ymgyrchu annibynnol o 1981.
Mae pob rhifyn yn cynnwys diweddariadau ar gynnydd ymgyrchoedd a gweithgareddau CND led-led Cymru, gyda nifer o gyfeiriadau penodol at gymunedau yng Nghymru, ymgyrchwyr a mudiadau - ffynhonnell eithriadol o werthfawr i rai sydd am archwilio treftadaeth heddwch Cymru dros y 4 degawd ddiwethaf.