Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Yn ôl y 'Borough Guide' a gyhoeddwyd tua 1905 gan Gyngor Tref Aberystwyth a Chwmni Edward J Burrows, Craig Glais yw enw'r bryn sydd wrth ben gogleddol y prom ac mae'n codi 500 troedfedd uwchben lefel y môr. Mae'r bryn yn boblogaidd gyda'r rhai sydd 'yn hoffi digon o adloniant awyr agored'. Gellir cyrraedd y copa naill ai ar droed neu drwy ddefnyddio Rheilffordd y Graig gafodd ei agor ym 1896. Crëwyd Rheilffordd y Graig yn ogystal â meysydd adloniant ar Graig Glais ym 1895-96 gan Gwmni Gwelliant Aberystwyth. Mae'r rhaffordd yn dringo 130 metr ar raddiant o 1 mewn 2, yn fwy serth yn y rhan uchaf, o'r orsaf isaf, adeilad addurnedig brics coch. Roedd y ddau gerbyd, ill dau wedi eu cynllunio i gludo 30 person, yn cael eu pŵeru'n wreiddiol gan system cydbwyso dŵr. Ar y copa roedd 'tai haf, cysgodfannau, ystafelloedd lluniaeth, llwyfan band, gerddi yn cynnwys miloedd o blanhigion a blodau, llwybrau ymdroelli, llwybrau teras a lawntiau i'ch swyno'. Ychwanegwyd 'camera obscura' a rheilffordd igam-ogam erbyn 1905.
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw