Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.

Disgrifiad

Yn ôl y map sydd yn gynwysedig yn yrr 'Aberystwyth Official Guide and Souvenir' a gyhoeddwyd yn 1924 gan Gorfforaeth Aberystwyth, modurdy sydd yn y lleoliad hwn. Mae Gwesty'r Marine yn hysbysu fod ganddynt hwy garej ar gyfer eu gwesteion.

Mae hysbysebion ar gyfer gwasanaethau modurdai yn y dref yn cynnwys Cwmni Modur Aberystwyth ar y Morfa Mawr a Modurdai Gorllewin Cymru ar Rodfa'r Gogledd - roedd hwn yn nodi eu bod ar agor ddydd a nos, bod ganddynt weithdy peirianyddol modern ar gyfer atgyweirio moduron o bob math a bod ganddynt stoc helaeth o ategolion. Roedd gan y cwmni yma hefyd gytiau dan-glo preifat a lle i 100 o geir. Yn ogystal, hysbysebodd y cwmni geir ar lôg a moduron math-newmatig 14-sedd yn teithio i bob man yn ddyddiol.

Nodir yn y teithlyfr fod gan y dref siarabangau modur wedi eu hen sefydlu, ar gyfer teithiau i fannau diddorol a phrydferth. Byddai moduron a siarabangau eraill yn ymgynnull ar y Prom yn y bore a'r prynhawn ar gyfer teithiau crynion i Bontarfynach gan ddychwelyd drwy Bonterwyd; i Weithfeydd Dŵr Birmingham yng Nghwm Elan; i Gorris a Llyn Tal-y-llyn, gan ddychwelyd ochr ddwyreiniol Cader Idris a Dolgellau; i Aberaeron a Cheinewydd ar hyd ffordd yr arfordir; i Lyfnant a Chwm Einion; ac i odre Pumlumon yn Eisteddfa Gurig.

Roedd dau gwmni arall yn cynnig y gwasanaethau yma hefyd - un oedd y Brodyr Jones, arloeswyr yn y busnes siarabangau modur, yn rhoi eu cyfeiriad fel 58 Ffordd y Môr neu'r garej yn Rhodfa'r Gogledd. Dylai darllenwyr y teithlyfr sylwi fod y Ceir Mawr yn gadael Rhodfa'r Môr yn ddyddiol am 9:30am a 2:15yp. Y cwmni arall oedd Cwmni Modur Primrose yn 62 Ffordd y Môr ac 11 Stryd y Ffynnon Haearn. Roeddynt yn hybu siarabangau newydd, modern, 14-sedd de-luxe yn gadael Rhodfa'r Môr yn ddyddiol am 10 y bore a 2:15yp.

Oes gennych chi wybodaeth ychwanegol am yr eitem hon? Gadewch sylwad isod

Sylwadau (0)

Rhaid mewngofnodi i bostio sylw