Ym mhen pellaf Blaen-y-Cwm, Aberangell, wrth i'r llwybr ddechrau tynnu ar i fyny mae adfail tŷ mawr iawn. Mewn gwirionedd, mae yma ddau dŷ yn wynebu ei gilydd ar draws y trac. Mae'r tŷ ar y chwith yn fwy newydd ac yn un a godwyd o bosib yn lle'r adfail hwn sy'n ei wynebu. Rhyngddynt mae olion ffordd. Dywedwyd wrthyf fod hwn yn llwybr tramwy rheolaidd i geffyl a dyn rhwng Aberangell a Dolgellau, pellter o tua phum milltir. Roedd carped tew o eirlysiau o gwmpas yr adfeilion.