Mae John yn disgrifio ei ran ym mrwydr Carrion Crow, Bayou, ac yn dweud ei fod yn credu mai hwn oedd brwydr fwyaf gwaedlyd y tymor.

Mae'n dechrau ei lythyr drwy ysgrifennu
'yr ydwyf yn caul y fraint anferthol[?] och hysbysu fy mod ar dir y byw ac yn mwynhau fy iechid mewn modd da'

Mae'n mynd ymlaen i ddweud fod y gwrthryfelwyr wedi ymosod arnynt am bump o'r gloch y bore ond dechreuodd y brwydro o ddifri am ddau o'r gloch y prynhawn. Dywed John mai dim ond eu brigâd nhw oedd yn brwydro ac mae'n mynd ati i restri'r catrodau. Dywed fod gan y gwrthryfelwyr ddwy frigâd o wŷr traed a phymtheg cant o wŷr meirch.

Daeth atgyfnerthiadau i ochr yr Undeb tua hanner awr yn rhy hwyr a bu rhaid iddynt syrthio yn ôl i'r coed. Ond ar ôl ychydig o amser, ail ymosododd y rhai oedd yn weddill a gyrasant y gwrthryfelwyr yn ôl gan eu 'mali i'r llawr'. Erbyn hyn, dim ond pump oedd ar ôl yng Nghwmni G.