Adroddiadau Blynyddol Cynghrair y Cenhedloedd Cymru 1922-45
Mae'r casgliadau hyn yn dwyn ynghyd yr adroddiadau blynyddol a'r dogfennau sy'n ymwneud ag Undeb Cynghrair y Cenhedloedd Cymru, a gynigiwyd ym 1918 ac a sefydlwyd o 1922 i symbylu pobl Cymru i weithio dros heddwch y byd yn y blynyddoedd yn dilyn y Rhyfel Byd Cyntaf. Erbyn 1938 arweiniodd gwaith Cynghrair Cymru at agor Teml Heddwch ac Iechyd Cenedlaethol Cymru yng Nghaerdydd; cafodd ei ariannu gan yr Arglwydd David Davies o Landinam a'i drefnu gan Gwilym Davies o Gwmrhymni (a fu hefyd ynghlwm wrth sefydlu Neges Heddwch ac Ewyllys Da Ieuenctid). Er bod yr Ail Ryfel Byd wedi torri, chwaraeodd llawer o ffigurau a oedd yn weithgar yn y mudiad heddwch rhwng y ddau ryfel ran flaenllaw yn y gwaith o gefnogi a sefydlu'r Cenhedloedd Unedig, ac o 1945 ailsefydlwyd Undeb Cynghrair y Cenhedloedd fel UNA (Cymru), Cymdeithas y Cenhedloedd Unedig. Mae eu gwaith yn parhau heddiw dan nawdd WCIA, Canolfan Materion Rhyngwladol Cymru, sef gwarcheidwaid y Deml Heddwch.
