Nid oedd y cerdyn yn dangos lefel gwrthwynebwyr Dinbych, h.y. Tîm Cyntaf, Ail Dîm, neu lefel is. Does dim sôn am Ail Dîm Dinbych gan fod cymaint o ansicrwydd cyn cychwyn y tymor os oedd digon o chwaraewyr ar gael. Fel mae’n digwydd roedd digon o chwaraewyr a chwaraeodd yr Ail Dîm nifer o gemau yn erbyn clybiau oedd yn adlewyrchu eu hoedran a'u diffyg profiad, fel timau ieuenctid Delyn a’r Rhyl, ail dimau Winsford, BSC Shotton a Caergybi, a 4ydd XV Y Rhyl a Wrecsam.