David Leslie Phillips. Cymaint oedd ei gyfraniad i'r Clwb, penderfynwyd, ym 1991, i ailenwi'r caeau o gwmpas y Clwb i Caeau Les Phillips. Cafodd ei gydnabod am ei ymrwymiad diflino, ei ymroddiad, ei sgiliau rheoli a threfnu a’i ymdrechion aruthrol yn codi arian yn ystod y 1980au, ar adeg pan oedd y Clwb mewn angen dybryd am arian ychwanegol. Un o Gwm Ffrwd, ger Caerfyrddin, oedd Les, ac wedi chwarae rygbi o'r safon uchaf i Lanelli a Waterloo, oedd, ar yr adeg honno, yn un o'r clybiau mwyaf llwyddiannus yn Lloegr. Ei atgof rygbi mwyaf melys oedd chwarae i dîm y Magnelwyr Brenhinol, a oedd yn cynnwys nifer o chwarewyr rhyngwladol, ac ar 28ain Hydref 1944, trechwyd tîm teithiol Seland Newydd yn Cairo o 5-3, yr unig gêm i’r Crysau Duon ei cholli yn ystod y daith.