Mae'r angel alabastr yn dyddio o'r cyfnod tua'r flwyddyn 1450 ac yn wreiddiol roedd yn ffurfio rhan o feddrod ysblennydd Syr William ap Thomas a Gwladus ferch Dafydd Gam yn Eglwys Priordy'r Santes Fair. Gellir ymweld â'r beddrod, ynghyd â nifer o rai eraill, hyd heddiw.
Gwladus oedd ail wraig William a merch Dafydd Gam ap Llywelyn o Landeilo Gresynni. Lladdwyd Dafydd Gam a Rhosier Fychan o Frodorddyn, gŵr cyntaf Gwladus, ym Mrwydr Agincourt ym 1415 lle'r ymladdodd William hefyd. Fe'i urddwyd yn farchog gan Henry VI ym 1426 ac fe'i adnabuwyd fel "Y Marchog Glas o Went" oherwydd lliw ei arfwisg. Wedi dychwelyd o'r rhyfeloedd yn Ffrainc, aeth ati i adeiladu castell godidog Rhaglan a bu farw yn Llundain ym 1445. Bu Gwladus farw yw 1454.
Ysgrifennodd y bardd enwog, Lewys Glyn Cothi, farwnad iddi a chyfeiria ati fel "Y seren o Efenni".
Ffynhonnell:
Testun Arddangos