Croes Victoria yw gwobr dewrder uchaf Prydain ac fe'i sefydlwyd ar 29 Ionawr 1856. Dim ond 1,354 sydd wedi'u cyflwyno erioed. Dyma'r Groes Victoria a gyflwynwyd i'r Is-gapten Gonville Bromhead am ei weithredoedd wrth amddiffyn gorsaf ac ysbyty dros dro Rorke's Drift, ar lannau Afon Buffalo, Natal, ar 22 Ionawr 1879. Bromhead oedd y swyddog a oedd yn rheoli Cwmni B, 2il Fataliwn, Catrawd Rhif 24 Cyffinwyr De Cymru. Roedd pencadlys y Gatrawd hon yn Aberhonddu ac yn ddiweddarach enwyd y Gatrawd yn Cyffinwyr De Cymru.