Roedd bywyd milwr Prydeinig yn India yn ystod y 19eg ganrif yn aml iawn yn undonnog a diflas. O ystyried yr holl weision brodorol, y gwres tanbaid, y gwirodydd rhad lleol a'r holl amser hamdden, nid oedd yn syndod bod meddwdod yn broblem ddifrifol. Er mwyn ceisio datrys y broblem, bu awdurdodau'r fyddin yn hybu Cynghrair Dirwest y Fyddin a Chymdeithas Llwyrymwrthodiad y Milwyr. Byddai'r cymdeithasau hyn yn cyflwyno medalau i'r milwyr er mwyn ceisio annog dirwest. Byddai'r milwyr yn gwisgo'r medalau hyn ar frest chwith eu swyddwisgoedd.