Sefydlodd Catrawd Rhif 24, Cyffinwyr De Cymru, eu pencadlys catrodol yn Aberhonddu ym 1873 a chysegrwyd Capel Havard yng Nghadeirlan Aberhonddu fel y Capel Catrodol ym 1922. Ym 1934, cyflwynwyd y Baneri enwog a gariwyd gan y Gatrawd yn ystod Rhyfel Zwlw 1879 i'r Capel. Achubwyd Baner y Frenhines Rhif 1/24 gan yr Is-gapteiniaid Melvill a Coghill wedi'r trychineb yn Isandhlwana. Anrhydeddwyd y ddau, a laddwyd gan y Zwlŵaid, gyda'r Groes Victoria wedi'u marwolaethau. Rhoddwyd y baneri arbennig hyn mewn casys yn 2002, oherwydd eu pwysigrwydd ac er mwyn eu gwarchod rhag dirywio ymhellach.