Teithiodd cynrychiolwyr milwrol o bob rhan o'r Ymerodraeth i Lundain er mwyn cymryd rhan yn yr Orymdaith Fawr i ddathlu trigain mlynedd o deyrnasiad y Frenhines Victoria. Daeth aelodau Bataliwn y Gwirfoddolwyr 1af o drefi a phentrefi Sir Frycheiniog. O'r 1,000 o ddynion a oedd yn gwasanaethu gyda'r Bataliwn ar y pryd, dim ond 22 o'r milwyr taclusaf a ddewiswyd i gymryd rhan. Safodd y dynion mewn llinell ar hyd y ffordd i Bont Westminster am wyth awr a chymerodd yr orymdaith ddwy awr a hanner i basio. Tynnwyd y ffotograff hwn gan Charles & Bell, Aberhonddu.