Wedi symud ymlaen i Wlad y Zwlw, yn gynnar ar 22 Ionawr 1879, rhannodd Yr Arglwydd Chelmsford ei fyddin yn ddwy. Aeth un hanner i edrych am brif fyddin y Zwlw, gan adael yr hanner arall yn y gwersyll yn Isandhlwana o dan awdurdod Cyrnol Henry Pulleine 1/24ain. Ymosododd y Zwlŵaid ar y gwersyll gyda 25,000 o ryfelwyr. Lladdwyd 850 o'r 1,700 o filwyr Prydeinig a Threfedigaethol yn y gwersyll. Collodd Milwyr Traed Rhif 24 - Cyffinwyr De Cymru yn ddiweddarach - 596 o ddynion y diwrnod hwnnw. Mae neges olaf y Cyrnol Pulleine at yr Arglwydd Chelmsford yn darllen fel a ganlyn:
'Staff Officer - Report just come in that Zulus are advancing in force from the left front of the cam (8.5 am). H B Pulleine, Lt. Col'.
Derbyniwyd y neges am 9.30 y bore gan y Capten Hallam Parr, Swyddog Staff ar y maes gyda'r Arglwydd Chelmsford.