Dyma emyn a gafodd ei gadw ynghyd a ffotograffau a llythyrau yn berchen i Sgt John Regan. Cafodd y rhain i gyd eu danfon nol adref i'w wraig wedi iddo cael ei ladd yn ystod y Rhyfel byd Cyntaf. Fe gadwodd ei wraig y rhain yn ddiogel ym Meibl y teulu.

Cafodd Sarsiant John Regan ei eni ym Mhenarth ar 1 Mai 1882. Ymunodd fel gwirfoddolwr i ymladd yn y Rhyfel Byd Cyntaf. Roedd yn dad i deulu mawr o bedwar bachgen a merch. Roedd ei wraig hefyd yn disgwyl plentyn arall, a anwyd ar 6 Mai 1916 tra bod John yn paratoi i groesi i Ffrainc. Yn anffodus, ni chafodd y cyfle i gwrdd â'i ferch ieuengaf. Bu farw John ar 31 Gorffennaf 1916. Mae bellach wedi ei gladdu ym Mynwent Filwrol Peronne ger Maricourt ar y Somme, yn agos at y fan lle y bu farw.