Mae’n aneglur ai darn o lythyr neu ddyddiadur personol yw hwn. Mae'r ysgrifen yn ysgafn iawn, ond mae’r llythyr yn sôn am yr ymosodiad fel llwyddiant mawr. Mae hefyd yn sôn am yr anafiadau a ddioddefwyd gan y batri, ac am ymosodiad nwy gwenwynig. Cafodd y papur yma ei anfon at wraig Sarsiant John Regan gan un o'r rhingylliaid eraill yn y batri sydd hefyd wedi ysgrifennu arno.

Cafodd Sarsiant John Regan ei eni ym Mhenarth ar 1 Mai 1882. Ymunodd fel gwirfoddolwr i ymladd yn y Rhyfel Byd Cyntaf. Roedd yn dad i deulu mawr o bedwar bachgen a merch. Roedd ei wraig hefyd yn disgwyl plentyn arall, a anwyd ar 6 Mai 1916 tra bod John yn paratoi i groesi i Ffrainc. Yn anffodus, ni chafodd y cyfle i gwrdd â'i ferch ieuengaf. Bu farw John ar 31 Gorffennaf 1916. Mae bellach wedi ei gladdu ym Mynwent Filwrol Peronne ger Maricourt ar y Somme, yn agos at y fan lle y bu farw.