Roedd y llythyrau a ysgrifennwyd gan filwyr yn ystod y Rhyfel Byd Cyntaf yn cael eu sensro ac o ganlyniad roeddent yn cymryd amser hir i gyrraedd pen eu taith. Felly rhoddwyd cardiau post i’r milwyr er mwyn iddynt allu anfon negeseuon syml. Dyma gasgliad o gardiau a anfonodd Sarsiant John Regan adref i Benarth.

Cafodd Sarsiant John Regan ei eni ym Mhenarth ar 1 Mai 1882. Ymunodd fel gwirfoddolwr i ymladd yn y Rhyfel Byd Cyntaf. Roedd yn dad i deulu mawr o bedwar bachgen a merch. Roedd ei wraig hefyd yn disgwyl plentyn arall, a anwyd ar 6 Mai 1916 tra bod John yn paratoi i groesi i Ffrainc. Yn anffodus, ni chafodd y cyfle i gwrdd â'i ferch ieuengaf. Bu farw John ar 31 Gorffennaf 1916. Mae bellach wedi ei gladdu ym Mynwent Filwrol Peronne ger Maricourt ar y Somme, yn agos at y fan lle y bu farw.