Un o'r unedau oedd yn recriwtio gwirfoddolwyr ym Mhenarth oedd Royal Garrison Artillery Morgannwg. Tasg y gatrawd hon yn wreiddiol oedd i wrachod gynnau trwm o amgylch arfordir Morgannwg i amddiffyn yn erbyn ymosodiad o'r môr. Dyma lun o gwmni 4 yng ngwersyll Penarth, yn hyfforddi gyda gwn ymarfer. Yn drydydd o’r chwith yn y rhes blaen mae John Regan. Ganwyd Sarsiant John Regan ym Mhenarth ar 1 Mai 1882. Ymunodd fel gwirfoddolwr i ymladd yn y Rhyfel Byd Cyntaf. Roedd yn dad i deulu mawr o bedwar bachgen a merch. Roedd ei wraig hefyd yn disgwyl plentyn arall, a anwyd ar 6 Mai 1916 tra bod John yn paratoi i groesi i Ffrainc. Yn anffodus, ni chafodd y cyfle i gwrdd â'i ferch ieuengaf. Bu farw John ar 31 Gorffennaf 1916. Mae bellach wedi ei gladdu ym Mynwent Filwrol Peronne ger Maricourt ar y Somme, yn agos at y fan lle y bu farw.