Ail yng Nghynghrair Caerdydd a'r Cylch ac ail yng Nghwpan AH Williams . Yn y llun mae Sarsiant John Regan, ei ddarpar frawd-yng-nghyfraith J Huett a W. Hooper, a fyddai'n ddiweddarach yn gwasanaethu yn yr un batri â John Regan yn ystod y Rhyfel Byd Cyntaf. Goroesodd W. Hooper y rhyfel a bu farw tua 1956, ond dioddefodd am weddill ei fywyd o effeithiau nwy gwenwynig. Enwyd un o’i ferched yn Elizabeth Maricourt Hooper.
Cafodd Sarsiant John Regan ei eni ym Mhenarth ar 1 Mai 1882. Ymunodd fel gwirfoddolwr i ymladd yn y Rhyfel Byd Cyntaf. Roedd yn dad i deulu mawr o bedwar bachgen a merch. Roedd ei wraig hefyd yn disgwyl plentyn arall, a anwyd ar 6 Mai 1916 tra bod John yn paratoi i groesi i Ffrainc. Yn anffodus, ni chafodd y cyfle i gwrdd â'i ferch ieuengaf. Bu farw John ar 31 Gorffennaf 1916. Mae bellach wedi ei gladdu ym Mynwent Filwrol Peronne ger Maricourt ar y Somme, yn agos at y fan lle y bu farw.