Adweinir Arthur Bevan o Dalacharn ( tua 1687-1743) orau fel gŵr Bridget (Madam Bevan). Ym 1722, fe enillodd ei etholiad gyntaf yn Sir Gaerfyrddin ac fe ddaeth yn Aelod Seneddol Chwigaidd dros Fwrdeistref Caerfyrddin. Ymddengys mai ei briodas â Bridget Vaughan oedd yn bennaf gyfrifol am ei lwyddiant gwleidyddol a chymdeithasol, gan mai'r Vaughaniaid oedd un o'r teuluoedd mwyaf pwerus yn Sir Gaerfyrddin ar y pryd. Mae'r darlun hwn wedi'i briodoli i John Vanderbank, a oedd wedi peintio portread arall, llai o faint, o Arthur Bevan ym 1725. Serch hynny, oherwydd y tebygrwydd mewn maint a'r ffrâm, mae'n bosibl bod hwn yn gopi o'r portread hwnnw, wedi'i beintio wedi marwolaeth John Lewis, i'w hongian gyda phortreadau eraill o wraig Bevan, ei chwiorydd a'i nith. Olew ar gynfas. Mesuriadau: 124.5cm x 99cm.