Mae'r braslun dyfrlliw bach hwn yn cynnwys yr arysgrif ganlynol. 'Wreck of the Sarah Ann Trehearne, Laugharne, October 1836'. 'No.490 Register Book of Burials of the Parish of Laugharne. John Griffiths, (Strand) buried October the 16th 1836 aged 41 years. Drowned attempting to jump onto his vessel from Mrs. Stackpoole's wall during a violent storm.' Mae'r arysgrif wedi'i arwyddo 'J. N. Harrison'. Roedd Jasper Nicholls Harrison yn Ficer yn Nhalacharn ac ysgrifennodd gerdd yn ddiweddarach yn adrodd hanes y llongddrylliad, sef 'The Night on the Mast'. Pan ddigwyddodd y llongddrylliad, daeth y môr i mewn yn llawer ymhellach na'r hyn mae'n gwneud heddiw yn Nhalacharn. Mae'n siŵr mai'r peintiad enwocaf o Gastell Talacharn yw peintiad J. M. W. Turner ym 1831, sy'n dangos castell wedi'i oleuo â heulwen aur uwchben môr stormus.