Er na wyddys fawr ddim ynglŷn â'r arlunydd hwn, fe ymddengys ei fod ef neu hi yn byw yn ardal Aberystwyth neu'n ymweld â'r rhan honno o Gymru yn rheolaidd. Roedd 'A Welsh Primitif' yn amlwg wedi'i hudo gan fywyd bob dydd y Cymry. Cafodd digwyddiadau a gweithgareddau bob dydd eu cofnodi'n fanwl, heb sentimentaleiddio na gwawdlunio pobl wrth eu gwaith. Roedd 'A Welsh Primitif' yn darlunio priodasau, bedyddiadau, angladdau a damweiniau. Mae'r olygfa hon yn dangos grŵp o wragedd gwledig yn paratoi i fynd i'r farchnad. Mae rhai o'r gwragedd wedi bwndelu eu nwyddau ar gyfer y farchnad yn eu ffedogau. Roedd darlunio gwrthrychau a ffigyrau i raddfa yn broblem i'r 'Welsh Primitif' ac nid yw'r darlun hwn yn eithriad. Mae'r plant yn y cefndir yn cael eu dangos fel oedolion bach, wedi'u gwneud i edrych yn fach gan y gwragedd ac mae'n amhosibl mesur y pellteroedd a ddangosir ar y ffordd enciliol. Darlun pen ac inc. Mesuriadau: 22.7cm x 36cm.