Model o gerbyd a oedd yn unigryw i Sir Faesyfed, sef cyfuniad o gert a char-llusg a ddefnyddiwyd ar lethrau serth. Wrth deithio i fyny llethrau byddai'n troi ar olwynion fel cert ond wrth deithio i lawr y llethrau byddai'r cadwyni yn cymryd lle'r olwynion gan lusgo'r cerbyd i lawr y rhiw. Mae enghraifft o'r math hwn o gerbyd i'w weld yng nghasgliadau Amgueddfa Werin Cymru - fe'i gwnaed gan Aaron Griffiths, the Gravel, Ffordd Llanbister, Llanandras, c. 1940.