Mae'r pabi coch yn symbol adnabyddus sy'n coffáu'r rhai a laddwyd mewn rhyfeloedd, ac mae'r Lleng Brydeinig Frenhinol yn dosbarthu dros 40 miliwn ohonynt bob blwyddyn. Caiff yr arian o'u gwerthu ei ddefnyddio i gefnogi cyn-filwyr a'u teuluoedd fu'n rhan o ryfeloedd mwy diweddar.Dywed y Lleng Brydeinig: 'Mae'r pabi coch yn symbol diymhongar, niwtral a chyffredinol o obaith a choffâd.' Er poblogrwydd y pabi coch, mae rhai yn teimlo nad yw yn cynrychioli eu colled bersonol nhw. Mae'n symbol sy'n ysgogi teimladau cryfion, fel y gwelwyd mewn trafodaethau diweddar ar y cyfryngau.