Llwyau caru yw'r enwocaf o blith arwyddion serch Cymru a chredir bod cariadfeibion wedi'u rhoi i'w cariadon o'r ail ganrif ar bymtheg ymlaen. Peidiodd yr arfer yn y bedwaredd ganrif ar bymtheg ond parhawyd i'w cerfio mewn ardaloedd gwledig yn arbennig. Daeth yr arferiad o greu llwyau caru yn gelfyddyd ac yn aml fe'u cynhyrchwyd ar gyfer cystadlaethau gwaith pren ac Eisteddfodau.

Daw'r llwyau caru a welir yma o Amgueddfa ac Oriel Gelf Brycheiniog ac maent yn cynrychioli un o'r casgliadau gorau yng Nghymru.

[Ffynhonnell: D. C. Perkins, 'Lovespoons from Wales' (Swansea, 1989)]