Dyma ddarn o'r gadwyn haearn a ddefnyddiodd Samuel Brown ar un o longau'r llynges, y 'Penelope', ym 1808, er mwyn profi bod cadwyni haearn yn well na rhaff o gywarch. Hwyliodd y llong i Ynysoedd y Caribî, a gwelwyd bod y gadwyn haearn yn llawer cryfach na rhaff, yn haws ei thrin, ac yn lanach. Roedd y nwyon o raffau gwlyb a budr wedi achosi salwch a hyd yn oed marwolaeth mewn gwledydd poeth. Yn sgil llwyddiant yr arbrawf, penderfynodd y Llynges Frenhinol ddefnyddio cadwyni haearn, a dilynwyd hwy yn fuan iawn gan longau masnachol.