Mae'r cerflun hwn yn portreadu Brenin Tewdrig cyn ei farwolaeth. Roedd Tewdrig yn sant o'r pumed ganrif ac yn frenin Morgannwg. Cynlluniwyd y cerflun gan John Evan Thomas ym 1848, ac fe'i ailfodelwyd gan ei frawd, William Meredyth Thomas, a'i gastio mewn efydd gan ddefnyddio dull electrolysis gan gwmni Elkington & Co., Birmingham, ym 1856.

Cwblhawyd y gwaith ar gyfer cystadleuaeth yn Eisteddfod Y Fenni 1848. Roedd gan y trefnwyr, a oedd yn cynnwys Thomas Price ('Carhuanawc') ac Arglwyddes Llanofer, amcanion gwladgarol ac roeddynt yn awyddus i hybu celf gweledol Gymreig.