Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Yn ystod yr 17eg ganrif, wrth i borthladd Aberteifi ddatblygu fel canolfan fasnach a physgota penwaig darparwyd marchnad ar gyfer diwydiant adeiladu llongau oedd yn prysur ehangu, ac arweiniodd y cynnydd pellach mewn masnach yn ystod ail hanner y 18fed ganrif at adeiladu llongau mwy.
Cyfyngid maint y llongau a adeiladwyd i 160 o dunelli oherwydd y bar tywod ar y ffordd i mewn i'r porthladd, ac, felly, roedd y rhan fwyaf o'r llongau a wnâi fordeithiau ar draws yr Atlantig yn cael eu hadeiladu mewn lleoedd fel Cei Newydd, Cas-gwent, Poole ac Abertawe. Er hynny, mwynhaodd diwydiant adeiladu llongau Aberteifi ei oes aur rhwng 1792 a 1866, pryd cafodd tua 140 o longau eu hadeiladu mewn iardiau lleol.
Dechreuodd cyfnod hir dirywiad y diwydiant ar ddiwedd y 1840au. Erbyn y 1880au, defnyddiwyd yr iardiau'n bennaf ar gyfer torri hen longau'n ddarnau ac ar gyfer gwerthu rhannau, ac erbyn troad yr 20fed ganrif, roedd adeiladu llongau yn Aberteifi bron â dod i ben.
Ffynhonnell:
W. J. Lewis, Gateway to Wales: A History of Cardigan (Caerfyrddin, 1990)
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw