Roedd y 'Thetis' yn llong ddur a oedd yn 343 tunnell gofrestredig a adeiladwyd yn Dunbarton ym mis Gorffennaf 1893 (mae barcentîn yn llong gydag o leiaf tri hwylbren sydd wedi'u paratoi mewn modd arbennig). Roedd yn 12 troedfedd o hyd yn 12 troedfedd o ddyfnder a'i thrawst yn 25 1/2 troedfedd.

Rhwng 1898 a 1901 ei chapten oedd y Capten David W. Thomas, Aeron Maid, Aberaeron. Ar 21 Gorffennaf 1901, hwyliodd y 'Thetis' am Port Stanley yn Ynysoedd y Falkland ar y ffordd i Salvador. Ar ei bwrdd oedd cafn golchi defaid wedi'i wneud o haearn, roedd yn 45 troedfedd o hyd a chwe throedfedd o ddyfnder. Roedd pwysau y cafn ynghyd â gweddill y llwyth yn golygu bod y llong yn beryglus o isel yn y dŵr. Protestiodd y Capten Thomas gan wrthod ei hwylio, ond rhoddwyd y cynnig iddo naill ai ei hwylio neu ildio'i reolaeth. Felly fe aeth a'r llong allan a chollwyd y 'Thetis' mewn tymestl ffyrnig o'r gogledd-ddwyrain pan oedd ddeng niwrnod o Stanley.

Ffynhonnell: 'Aberayron 1971 Exhibition of Paintings of Sailing Ships and Ships Equipment by Gwilym M. Jones' (Catalog Arddangosfa)