Roedd y Madona yn frigantîn 163 tunnell a adeiladwyd gan David Jones, Aberaeron ym 1864 (roedd brigantîn yn llong dau hwylbren gyda'r hwyliau wedi'u trefnu mewn modd arbennig).

Ei pherchennog oedd John Jones a'i Gwmni, Aberaeron (Shon Go), a'i fab yng nghyfraith, y Capten Daniel Rees, oedd yn gapten arni. Roedd Daniel Rees yn un o ddeg o blant ac roedd ef a'i frodyr i gyd yn gapteiniaid ar longau a adeiladwyd yn Aberaeron. Pan fu farw Daniel Rees ym 1868, trosglwyddwyd yr awenau i'w frawd yng nghyfraith, John Jones, mab John Jones yr adeiladwr llongau o Vulcan Place (Shon Go) a oedd yn berchennog arni. Roedd yn hen lanc a fe foddodd ger Rosario ym 1888 yn 37 mlwydd oed.

Ffynhonnell: 'Aberayron 1971 Exhibition of Paintings of Sailing Ships and Ships Equipment by Gwilym M. Jones' (Catalog Arddangosfa)