Mae'r faled hon gan Dewi Peris Jones yn adrodd hanes trist chwarelwr llechi a fu farw yn fuan wedi iddo gusanu ei ferch am y tro olaf. Rhai oriau yn unig cyn ei ddamwain angeuol yn y chwarel, roedd ei ferch saith oed, Mary Jones, wedi bod yn y chwarel, yn cario bwyd i'w thad. Er nad oedd yn gwybod hynny ar y pryd, hwnnw fyddai'r tro olaf iddo weld ei ferch a'i chusanu. Ychwanegir at dristwch y stori pan ddatgelir bod mam Mary hithau wedi marw pan oedd ei merch yn 3 mis oed.