Mae gan bob Bataliwn o'r Ffiwsilwyr Brenhinol Cymreig afr. Mae'n wryw ac nid masgot yw ond aelod o'r Gatrawd. Gofelir amdano gan is-swyddog di-gomisiwn a elwir yn 'Uwch-gapten yr Afr'. Ni wyddys beth yw tarddiad yr Afr, sy'n gorymdeithio ar flaen bob Bataliwn, ond credir i afr wasanaethu gyda'r Gatrawd yn Boston ym 1775 yn ystod Rhyfel Cartref America. Cyflwynodd Brenhines Victoria afr Kashmir i'r Gatrawd o'r praidd brenhinol ym 1844 ac mae pennaeth y teulu brenhinol wedi cyflwyno geifr i'r Gatrawd fyth ers hynny.