Rhestrir enwau naw o ymgeiswyr ar gyfer cyngor llywodraethol y Wladfa Gymreig ar y papur pleidleisio. Gofynnir i'r etholwr neu etholwraig ddewis saith o'r rhestr a rhoi llinell trwy'r enwau eraill. Nodir hefyd y bydd yr aelod etholedig gyda'r nifer leiaf o bleidleisiau yn dal ei swydd am flwyddyn yn unig.

Pan sefydlwyd y Wladfa Gymreig ym 1865, roedd dynion a menywod dros ddeunaw oed a oedd wedi preswylio yno am flwyddyn neu fwy yn cael pleidleisio yn etholiadau'r Cyngor. Er bod y Wladfa yn rhan o weriniaeth Ariannin, roedd ei threfn wleidyddol ymhlith y mwyaf democrataidd yn y byd yn y cyfnod hwnnw.