Peintiwyd y portread olew hwn (127 x 101.6 cms) o Simon Lloyd, Plas Power, Wrecsam, ym 1749. Cafodd portread o'i wraig, Sarah Lloyd, hefyd ei baentio gan Thomas Frye. Ganed Thomas Frye (1710-62) ger Dulyn ond symudodd i Lundain tua'r flwyddyn 1729 lle daeth yn adnabyddus fel arlunydd, ysgythrwr a mân-ddarluniwr.

William oedd enw'r rhan fwyaf o'r dynion yn nheulu'r Lloyd ac mae lle i gredu bod y Simon Lloyd hwn hefyd yn cael ei alw'n William gan nad oes unrhyw gofnod ar gyfer gŵr o'r enw Simon Lloyd. Fodd bynnag, mae cofnodion y cyfnod yn dangos mai William oedd enw gŵr Sarah Lloyd.

Etifeddodd teulu Fitzhugh Blas Power ym 1816 yn dilyn priodas etifeddes teulu'r Lloyd â Thomas Fitzhugh. Etifeddwyd y portreadau o Simon a Sarah Lloyd yn ddiweddarach gan yr Is-gyrnol G. E. Fitzhugh (Prif Swyddog y 61eg Gatrawd Canolig rhwng 1939 a 1943).