Anfonwyd y llythyr hwn at Humphrey Jones gan ei gyn-gyflogwr, William Higgins o Gaer. Dywed ei fod wedi derbyn llythyr gan 'Mr Clarck of Hackney' yn gofyn am fanylion ynghylch cymeriad Humphrey a'i ddoniau ym maes fferyllyddiaeth. Fodd bynnag, cyn y gall ateb y llythyr hwn, mae'n awyddus i dderbyn eglurhad ynglŷn â rhai sylwadau anffafriol a wnaed amdano gan Humphrey.
Ni fydd yn fodlon ysgrifennu unrhyw lythyrau neu eirda ar ei ran hyd nes y bydd yn derbyn esboniad boddhaol.