Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Adeiladwyd Mynachlog Nedd ym 1130 a disgrifiwyd yr abaty gan John Leland yn y 16eg ganrif 'the fairest in all Wales'. Roedd yr abaty'n wreiddiol yn gysylltiedig ag urdd fynachaidd Savigny, ac fe'i ymgorfforwyd ynghyd â'r holl abatai Savigny eraill i Urdd y Sistersiaid ym 1147. Daeth yr Abaty'n fenter gyfoethog, yn berchen ar dir ym Morgannwg, Dyfnaint a Gwlad yr Haf. Serch hynny, bu mewn cystadleuaeth hallt gydag Abaty Margam, a dioddefodd dan ddwylo'r Cymry yn ystod y 13eg ganrif oherwydd ei gysylltiadau Eingl-Normaniaidd.
Cafodd Edward II ei ddal ym Mynachlog Nedd ar 16 Tachwedd 1326, ar ôl i'w farwniaid ei ymlid. Wedi hynny, fe'i carcharwyd yn Kenilworth, a'i lofruddio yn y diwedd.
Yn dilyn diddymu'r Mynachlogydd ym 1539 aeth adeilad yr abaty i ddwylo Syr John Herbert ar ddiwedd yr 16eg ganrif, ac fe'i trawsnewidwyd yn blasty. Mae'r ffenestri hirsgwar mawr a osododd yn amlwg yn yr adfail sydd i'w weld heddiw. Erbyn 1730, roedd rhai o'r adeiladau'n cael eu defnyddio i fwyndoddi copr. Cloddiwyd yr adfeilion rhwng 1924 a 1935.
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw