Yn y llythyr hwn, dyddiedig 2 Hydref 1882, mae F.N. yn diolch i William Rathbone am anfon yr holl bapurau ynglŷn â'r epidemig ati. Ar sail ei hastudiaeth o'r gyfradd farwolaethau, mae hi wedi dod i'r canlyniad mai haint yw achos yr epidemig ym Mangor. Yn ei barn hi, mae amryw o 'achosion lleol' i gyfrif am yr epidemig a dywed bod nifer o ragofalon sylfaenol wedi cael eu hesgeuluso. Mae hi'n feirniadol iawn o weinyddiaeth y ddinas; yn ei barn hi, ni ddylid bod wedi dileu'r hen Fwrdd Iechyd a chael gwared ag un awdurdod gweinyddol canolog. Esbonia sut y bydd yn mynd ati i drin haint o'r fath fel arfer drwy symud y bobl o'r fan sydd wedi ei heintio a glanhau'r tŷ yn drwyadl.