Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Adysgrif:
'Pennillion
i ymddiffyn Mr. Chambers, ac erfyniad arno i aros yn Llanelli
Arafwch Foneddwr, na chiliwch o'n hardal,
O herwydd mai lluoedd ddymunant eich attal;
Paham rhaid in' golli Bonheddwr o fawrfri
Yr hwn sy'n attegwr a noddwr Llanelli.
Hir oes a ddymunem i chwi ac i'ch tylwyth,
A boed bell oddiwrthych bob dychryn ac adwyth,
A'ch arall ran addien mae teimlad am dani
Am na byddai'i awron yn Mhalas Llanelli.
Nyni a obeithiem nad oedd dim ond angau
A fedrai'ch hysgaru oddwrth ein mynwesau;
Gresynol i 'storom mor sydyn i godi
Gan roi i'ch dueddiad i adael Llanelli.
Nol treulio blynyddau yn eithaf cyssurus,
A chwi yn ein canol fel penaeth llwyddiannus,
A ni yn y diwedd a doir a'r fath anfri
Trwy adael yn hollol o honoch Llanelli.
Paham bydd digasedd yn erbyn eich person
A fedr plant Beca fod wrthych chwi'n ddigllon
Na, pell fyddo dial nol derbyn daioni
'N gynhyrchiol oddiwrthych tra'n byw yn Llanelli.
O blaid pob diwygiad a threfniad daionus
Chwychwi yn gweithredu a welwyd mor hwylus,
Heb arbed dim llafur na threulion aneiri'
A fedrent ddwyn llesiant i'r wlad a Llanelli.
Yn amser gorchestol y brwd etholiadau
Chwychwi oedd ein blaenor i sefyll pob rhwystrau;
Am bleidio pob mesur haelfrydig 'doedd ini
Foneddwr cyffelyb yn ardal Llanelli.
Y beichiau presennol a bwysant mor enbyd,
Pob moddion cyfreithlon gynlluniech i'w symud,
Os chwi a enciliwch, gadewir mewn cyni
I ochain o danynt drigolion Llanelli.
'Does neb all eich beio am balliant mewn rhinwedd,
Na chalon galedwch at rai diymgeledd;
O weled gwell amser pa obaith sydd ini
Trwy yru oddwrthym attegwr Llanelli.'
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw