Tynnwyd y ffotograff gan Geoff Charles.

Thomas Charles oedd un o arweinwyr mwyaf blaenllaw y Methodistiaid yng Nghymru. Roedd yn frodor o Sir Gaerfyrddin ond ymsefydlodd yn y Bala ym 1783. Sefydlodd nifer o ysgolion Sul cylchynol a chwaraeodd ran allweddol yn y gwaith o sefydlu'r Gymdeithas Feiblau ym 1804. Ef oedd yn gyfrifol am olygu Beibl Cymraeg cyntaf y Gymdeithas honno ac erbyn ei farwolaeth ym 1814, amcangyfrifir iddo gyhoeddi a dosbarthu tua 320,000 o lyfrau ymhlith ei gyd-Gymry.