Roedd Castell Coch, ger Tongwynlais, yn eiddo i John Crichton Stuart (1847-1900), 3ydd Ardalydd Biwt. Adeiladwyd y castell yn ystod y 1870au ar seiliau hen gastell canoloesol. Cynlluniwyd yr adeilad gan y pensaer William Burges a gafodd ei gyflogi gan yr Ardalydd i weddnewid Castell Caerdydd yn ystod yr un cyfnod. Mae'r ddau adeilad yn nodedig am eu hystafelloedd dramatig, addurnedig.