Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Ganed William Edwards (1719-89), yn Groeswen, ger Caerffili. Roedd yn weinidog gyda'r Annibynnwyr yn Groeswen ond mae'n debyg ei fod yn fwyaf adnabyddus fel pensaer yr 'Hen Bont' ym Mhontypridd. Credir mai'r bont hon yw un o'r pontydd mawr mwyaf peryglus ac un o'r rhai a ddefnyddid leiaf yng Nghymru. Dechreuwyd ar y gwaith o adeiladu'r bont ym 1746 ym mhentref bach Pont-y-ty-pridd, fel y'i gelwid y pryd hwnnw. Gwnaeth Edwards bedwar cynnig ar adeiladu'r bont cyn llwyddo i'w chwblhau ym 1755. Costiodd y tair ymgais ofer a'r bedwaredd £1,153 18s. 2g. iddo, ac felly bu'r adeiladydd ar ei golled o tua £600. Roedd Edwards hefyd yn gyfrifol am godi pontydd ym Mrynbuga, Pontardawe, Bettws, Dolauhirion, Wychtree, Aberafan, a Glasbury. Roedd rhai o'r pontydd hyn yn debyg i'r bont ym Mhontypridd, sef yn bontydd un bwa, ond yn llai serth na honno. Codwyd plac, gan y cerflunydd W. Goscombe John, ar wal yr hen gapel yn Groeswen i gofio am William Edwards.
Ffynhonnell:
Y Bywgraffiadur Arlein
https://bywgraffiadur.cymru/article/c-EDWA-WIL-1719
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw