Y neuadd lai wedi ei gorffen a’r gwaith yn parhau ar y brif neuadd, 2017.

Mae Neuadd Frenhinol Llywelyn ab Iorwerth (Llywelyn Fawr) yn cael ei ail-greu gan Sain Ffagan Amgueddfa Werin Cymru.

Bydd disgyblion ysgol yn gallu aros y nos yno a chael blas ar fywyd ar ddechrau’r 13eg ganrif. Mae Llys Llywelyn yn seiliedig ar weddillion Llys Rhosyr yn Niwbwrch, Môn. Fe fydd pob rhan ohono – o’r dull adeiladu, i’r addurniadau a’r gwrthrychau y tu mewn iddo – yn driw i’r cyfnod. Wedi iddo gael ei gwblhau, gallwn brofi bywyd y Llys a chamu yn ôl i oes aur Tywysogion Cymru.