Darganfuwyd Llys Rhosyr yng Nghae Llys yn Niwbwrch, Môn. Ar ôl gorffen ei ymchwiliad o’r Llys, sylweddolodd yr archeolegydd Neil Johnstone fod ‘Llys’ yn elfen gyffredin mewn enwau lleoedd Cymru, ac aeth ati i ymchwilio pob enghraifft. Cymharodd enwau lleoedd gydag archwiliadau topograffig ac archeolegol, gan ddarganfod pob un o Lysoedd Brenhinol Gwynedd. Ar goll ers canrifoedd, roedd y cliw yn yr enw!