Defnyddir ceffyl pren a chyllell hir i dacluso teils derw ar ôl eu hollti.

Môn Mam Cymru – dyma sut y cyfeirir at yr ynys. Wyddoch chi pam? Roedd Môn yn cynhyrchu digon o wenith i gyflenwi sawl ardal y tu hwnt i’r Fenai. Nid ar gyfer bara yn unig y defnyddir gwenith. Mae modd ei ddefnyddio hefyd i greu toeau gwellt. To o’r math yma fydd ar Lys Llywelyn yn yr Amgueddfa Werin. Roedd teils pren hefyd yn gyffredin yn y Canol Oesoedd a dyma fydd i’w gweld ar rai o adeiladau allanol y Llys.