Bwa pren sylweddol ym Mhalas yr Esgob yn Henffordd.

Mae gofyn am gryn dipyn o waith ditectif wrth ail-greu’r gorffennol. Ychydig iawn o dystiolaeth sydd o’r math o ffrâm bren fyddai wedi cynnal to y brif neuadd yn Rhosyr. Bu’n rhaid i arbenigwyr astudio fframiau pren y cyfnod, ond maent yn brin iawn. Mae’r un orau yn cuddio yn nenfwd Palas yr Esgob, Henffordd. Ffurfiwyd hon tua 1180 a dyma sail y ffrâm tu fewn i Lys Llywelyn yn Sain Ffagan Amgueddfa Werin Cymru.