Darn o grochan efydd. Sylwch ar yr atgyweiriadau.

Dysglau gwledda cymunedol oedd crochanau a fyddai’n cael eu crogi uwchben tân er mwyn cynhesu bwyd. Roedd y gallu i gynnal gwledd yn adlewyrchiad o statws ac yn ffordd bwysig o atgyfnerthu perthnasau a theyrngarwch gwleidyddol. Darganfuwyd gweddillion hyd at bedwar crochan yn Llyn Cerrig Bach yn dyddio rhwng 100 CC a 100 OC. Maent wedi eu gwneud o un darn efydd - crefft sy’n gofyn am gryn fedrusrwydd ac amser. Mae un ohonynt wedi ei drwsio droeon. Awgryma hyn fod y crochanau wedi cael eu difrodi cyn eu hoffrymu i’r dŵr.